«مش مؤمن بيه ولا مقتنع بالثعبان الأقرع».. تصريحات شادي شامل عن عذاب القبر في «أوضة ضلمة»

كشف الفنان شادي شامل عن عدم اقتناعه بعذاب القبر، كما تحدث عن صداقته بالفنان أحمد الفيشاوي.

وقال شادي شامل، خلال لقائه مع الإعلامية إنجي هشام في برنامج «أوضة ضلمة»، المذاع عبر شاشة «هي»: "في ثواب وعقاب طبعًا، وإن في جنة ونار، بس دايمًا بقول إن ربنا بيقول: أنا عند حسن ظن عبدي بي، فبعد الشر لو دخلنا النار، ربنا هيكون رحيم بينا".

وتابع شادي شامل: "عذاب القبر اللي هو بتشوف مقعدك من النار ولا الجنة، مش مقتنع بالثعبان الأقرع، وإن الروح بتنفصل عن الجسد وبقت في حياة البرزخ.. بفسره إنه بتحلم حلم وحش، وإن روحك متضايقة".

صداقة شادي شامل وأحمد الفيشاوي

وأشار شادي شامل إلى التشابه بينه وبين أحمد الفيشاوي، قائلًا: "في تشابه بينا عشان إحنا صحاب، في شبه في التاتوه، وأنا عامل كذا واحد بس محبتش أعمل تاني، ومقدرش أعمله في كل جسمي زي الفيشاوي".

كما علّق شادي شامل على الانتقادات المستمرة ضد الفنانة رانيا يوسف، قائلًا: "ممكن يكون الجمهور مركز معاها أكتر من اللازم، عشان بتثير الجدل والغرائز مثلًا؟ أنا من وجهة نظري لا، الست جميلة وبتشع أنوثة، وممكن واحدة لابسة عباية وتثير الغرائز يعني".